PADI Conservation Day 2023 

打擊海洋垃圾~海岸及水底清潔活動2023🤿🤿

唔好俾佢停💪執海洋垃圾係要keep住做嘅🥳🙏

感謝大家的支持及對環保海洋出一分力💪呢次已經係本年度第三次舉辦打擊海洋垃圾活動🥳🤙🏽今次活動火箭友海洋垃圾小隊成功執到的海洋垃圾有鬼網，膠樽，鋁罐及其他海洋垃圾，一共有40公斤的重量🫡💪

香港既海岸線好長亦都好靚，有啲沙灘好受歡迎，人多自然垃圾多；有啲沙灘因為地理位置及海流等因素，這些海岸地區往往滿布垃圾，除了影響觀賞價值，亦會影響海洋生態。垃圾漂入大海，尤其飄浮的膠袋和發泡膠，最易令海洋生物誤認是食物，吞食後令其窒息，破壞海洋生態。

叔叔參與水底清潔已經超過10年，我睇到呢10年來，大家對海洋保育既意識愈黎愈高，亦都比以往更加積極參加多元化既清潔運動，多年來火箭友都持續推動潛水員進行水底清潔，希望以實際行動保護自然環境。今次我哋邀請一批熱心的潛水員進行打擊海洋垃圾活動，希望透過活動有助大家了解保育海岸的重要性，同時更加珍惜我地香港寶貴既天然資源！

感謝Gary教練🥳Isaac教練💪Jessica教練及DM邦的協助🤙🏽🤙🏽

再次感謝各潛水員的參與💪💪

#海洋垃圾 #潛水 #沙灘清潔 #海岸清潔  #火箭友潛水會 #環保友  #身體力行 #火箭友海洋垃圾小隊